Böyük məscidin tikintisi qadağan olundu

The İndependent-ə istinadən bildirir ki, Londonun şərqindəki Vest-Hem bölgəsində tikilməsi nəzərdə tutulan məscidin layihəsini Nyuhem bələdiyyəsinin memarlıq və şəhərsalma komissiyası rədd edib.

Londonun ən böyük kilsəsi olan Müqəddəs Pavel kafedralından dörd dəfə böyük olması nəzərdə tutulan məscid 8-mərtəbəli, hər biri 12 metr hündürlükdə 4 minarəli, kitabxana və idman zallı bir tikili olmalıydı.
Məscidin layihəsi 2006-cı ildən bəri təsdiqlənməsini gözləyir.

"Ebbi Mills səmtinin yaşayış məkanları və iş mərkəzi olmasını istəyirik. Ona görə də həmin məkanda böyük məscidin tikilməsi məqsədəuyğun deyil", - Nyuhem bələdiyyəsinin açıqlamasında deyilir.