Məktəbli boksçular güclərini Biləsuvarda sınadılar

 Biləsuvar Olimpiya İdman Kompleksində boks üzrə məktəblilər arasında respublika çempionatının final mərhələsi keçirildi. Çempionatda zona yarışlarında yer tutmuş yeniyetmə boksçular iştirak edirdilər.

Ümumilikdə yarışa 110 nəfər idmançı qatılıb. Yarışın keçirilməsində əsas məqsəd idmançılar arasından ən güclülərini müəyyən edib onları gələcəkda Avropa və dünya arenalarında keçiriləcək mötəbər yarışlara cəlb etməkdir. Gənclər İdman Nazirliyinin təşkilatçılığı ilə təşkil olunan çempionat 3 gün davam edəcək.